തിരുവനന്തപുരം: എസ്എസ്എല്സി പരീക്ഷ തീയതി പ്രഖ്യാപിച്ചു. പരീക്ഷകള് മാര്ച്ച് അഞ്ചിന് ആരംഭിച്ച് 30-ന് അവസാനിക്കും. 4.25 ലക്ഷം കുട്ടികള് പരീക്ഷ എഴുതും. തിരുവനന്തപുരത്ത് വാര്ത്താസമ്മേളനത്തില് വിദ്യാഭ്യാസമന്ത്രി വി. ശിവന്കുട്ടിയാണ് തീയതികള് പ്രഖ്യാപിച്ചത്.
പരീക്ഷകള് രാവിലെ 9.30-ന് ആരംഭിക്കും. ജനുവരി 12 മുതല് 22 വരെ ഐടി മോഡല് പരീക്ഷ നടക്കും. എസ്എസ്എല്സി മോഡല് പരീക്ഷകള് ഫെബ്രുവരി 16 മുതല് 20 വരെ നടക്കും. മേയ് എട്ടിന് ഫലം പ്രഖ്യാപിക്കാന് സാധിക്കുമെന്ന് പ്രതീക്ഷിക്കുന്നതായി വിദ്യാഭ്യാസമന്ത്രി പറഞ്ഞു.
