നിയമസഭാ തെരഞ്ഞെടുപ്പിന്റെ പ്രചാരണ പരിപാടികൾക്ക് തുടക്കം കുറിക്കാൻ മുഖ്യമന്ത്രി പിണറായി വിജയൻ ഇന്ന് കണ്ണൂരിലെത്തും. ഉച്ചയ്ക്ക് ശേഷം കണ്ണൂർ അന്താരാഷ്ട്ര വിമാനത്താവളത്തിൽ എത്തുന്ന മുഖ്യമന്ത്രി മട്ടന്നൂരിൽ നിന്നും പിണറായിലേക്ക് റോഡ് ഷോ നടത്തും. സ്ഥാനാർത്ഥി പ്രഖ്യാപനത്തിന് ശേഷം മുഖ്യമന്ത്രി ആദ്യമായാണ് തന്റെ മണ്ഡലത്തിലേക്ക് എത്തുന്നത്.
തുടർന്ന് വൈകുന്നേരം പിണറായിയിൽ നടക്കുന്ന ആദ്യ തെരഞ്ഞെടുപ്പ് പൊതുയോഗത്തിൽ അദ്ദേഹം പ്രസംഗിക്കും. നാളെ മുഖ്യമന്ത്രിയുടെ നേതൃത്വത്തിൽ മണ്ഡലം തെരഞ്ഞെടുപ്പ് കൺവെൻഷൻ നടക്കും. ആദ്യഘട്ടത്തിൽ മൂന്ന് ദിവസമാണ് മുഖ്യമന്ത്രി കണ്ണൂർ ജില്ലയിലെ വിവിധ മണ്ഡലങ്ങളിൽ പ്രചാരണത്തിനായി നീക്കിവെച്ചിരിക്കുന്നത്.
പിണറായിക്ക് പുറമെ തളിപ്പറമ്പ്, പയ്യന്നൂർ എന്നീ മണ്ഡലങ്ങളിലും മുഖ്യമന്ത്രി നേരിട്ടെത്തി പ്രചാരണ പ്രവർത്തനങ്ങൾക്ക് നേതൃത്വം നൽകും. മുഖ്യമന്ത്രിയുടെ സന്ദർശനത്തോടനുബന്ധിച്ച് ജില്ലയിലെ എൽ.ഡി.എഫ് പ്രവർത്തകർ വലിയ ആവേശത്തിലാണ്. വരും ദിവസങ്ങളിൽ കൂടുതൽ പ്രമുഖ നേതാക്കളും പ്രചാരണത്തിനായി ജില്ലയിലെത്തുമെന്നാണ് റിപ്പോർട്ടുകൾ.