ഇന്ത്യ-പാക് സംഘര്‍ഷത്തില്‍ ഡൊണാള്‍ഡ് ട്രംപിന്റെ നിര്‍ണായക നയതന്ത്ര ഇടപെടലിനുള്ള അംഗീകാരമായി ഡൊണാള്‍ഡ് ട്രംപിന് സമാധാനത്തിനുള്ള നൊബേല്‍ പുരസ്‌കാരം നല്‍കണമെന്ന് പാകിസ്ഥാന്‍. പാകിസ്ഥാന്‍ സേനാ മേധാവി അസിം മുനീറുമായുള്ള വൈറ്റ് ഹൗസിലെ കൂടിക്കാഴ്ചയ്ക്ക് ശേഷമാണ് പാകിസ്ഥാന്‍ ട്രംപിനെ സമാധാനനോബേലിന് നാമനിര്‍ദേശം ചെയ്തത്. ഇന്ത്യാ - പാക് പ്രതിസന്ധിയില്‍ അദ്ദേഹം നടത്തിയ നിര്‍ണായകമായ നയതന്ത്ര ഇടപെടലിനും സംഘര്‍ഷം അവസാനിപ്പിക്കുന്നതില്‍ അദ്ദേഹം പ്രകടിപ്പിച്ച നേതൃപാടവത്തിനും അംഗീകാരമായി 2026 ലെ സമാധാന നൊബേല്‍ പുരസ്‌കാരത്തിന് ട്രംപിനെ ഔദ്യോഗികമായി നാമനിര്‍ദേശം ചെയ്യാന്‍ പാക് ഭരണകൂടം തീരുമാനിച്ചതായി പ്രസ്താവനയിറക്കി. സാമൂഹ്യമാധ്യമമായ എക്‌സിലാണ് പ്രസ്താവന.
