വാഷിങ്ടണ്: ഹമാസിന് അന്ത്യശാസനയുമായി അമേരിക്കന് പ്രസിഡന്റ് ഡോണള്ഡ് ട്രംപ്.തന്റെ 20 നിര്ദേശങ്ങളടങ്ങിയ ഗാസ പദ്ധതിയില് ഞായറാഴ്ച ആറ് മണിക്കുള്ളില് മറുപടി നല്കണമെന്ന് ട്രംപ് മുന്നറിയിപ്പ് നല്കി. ഇല്ലെങ്കില് ഹമാസ് വലിയ പ്രത്യാഘാതം നേരിടുമെന്ന് ട്രംപ് ട്രൂത്ത് പോസ്റ്റില് പങ്കുവെച്ചു.
'ഈ അവസാന അവസരത്തിലും ഉടമ്പടിയിലെത്തിയില്ലെങ്കില് ഇതുവരെ കാണാത്ത രീതിയിലുള്ള ആക്രമണം ഹമാസിന് നേരെയുണ്ടാകും. പശ്ചിമേഷ്യയില് ഒന്നല്ലെങ്കില് മറ്റൊരു രീതിയില് സമാധാനമുണ്ടാകും', ട്രംപ് കുറിച്ചു.
ഹമാസിന്റെ അംഗങ്ങള് സൈനിക വലയത്തിലാണെന്നും അദ്ദേഹം പറഞ്ഞു. 'നിങ്ങള് ആരാണെന്നും എവിടെയാണെന്നും ഞങ്ങള്ക്കറിയാം. നിങ്ങള് വേട്ടയാടപ്പെടുകയും കൊല്ലപ്പെടുകയും ചെയ്യും. എല്ലാ നിഷ്കളങ്കരായ പലസ്തീനികളും ഭാവിയില് മരണത്തിന് വിധേയമാകുന്ന ഗാസയിലെ ഈ പ്രദേശത്ത് നിന്നും വിട്ടുപോകണം', ട്രംപ് പറഞ്ഞു.ചൊവ്വാഴ്ച ട്രംപും ഇസ്രയേല് പ്രധാനമന്ത്രി ബെഞ്ചമിന് നെതന്യാഹുവും തമ്മിലുള്ള കൂടിക്കാഴ്ചയ്ക്ക് ശേഷമാണ് ഇരുപത് നിര്ദേശങ്ങളടങ്ങുന്ന ഗാസ പദ്ധതി കരാര് തയ്യാറാക്കിയത്. യുദ്ധം അവസാനിപ്പിക്കാന് ഇരുപത് നിര്ദേശങ്ങളാണ് ട്രംപ് മുന്നോട്ടുവെച്ചത്. ഇവ നെതന്യാഹു അംഗീകരിച്ചിരുന്നു.
