ചെന്നൈ: തമിഴ്നാട്ടിലെ എന്നൂരിലെ താപവൈദ്യുത നിലയത്തിലെ പുതിയ യൂണിറ്റിന്റെ നിർമാണ സ്ഥലത്ത് ഉണ്ടായ അപകടത്തിൽ 9 മരണം. നിരവധി തൊഴിലാളികൾക്ക് പരുക്കേറ്റതായാണ് വിവരം. പരുക്കേറ്റ അഞ്ചു പേരുടെ നില ഗുരുതരമാണ്. നിർമാണ പ്രവർത്തനത്തിനിടെ യൂണിറ്റിന്റെ മുൻഭാഗം തകർന്നുവീഴുകയായിരുന്നു. മരിച്ചവർ ഇതരസംസ്ഥാന തൊഴിലാളികൾ ആണെന്നാണ് പ്രാഥമിക വിവരം. പരുക്കേറ്റവരെ ചെന്നൈയിലെ സ്റ്റാൻലി സർക്കാർ ആശുപത്രിയിലാണ് പ്രവേശിപ്പിച്ചത്. രക്ഷാപ്രവർത്തനം പുരോഗമിക്കുകയാണ്.
