ന്യൂഡല്ഹി: രാജ്യത്ത് 200 വന്ദേഭാരത് ട്രെയിനുകളും 50 നമോഭാരത് ട്രെയിനുകളും പുതുതായി ആരംഭിക്കുമെന്ന് റെയില്വേ മന്ത്രി അശ്വനി വൈഷ്ണവ്. നൂറ് കിലോ മീറ്റര് ദൂരപരിധിയിലാവും നമോ ഭാരത് ട്രെയിന് സര്വീസ് നടത്തുക. കൂടാതെ 100 അമൃത് ഭാരത് ട്രെയിനുകളും സര്വീസ് നടത്തുമെന്നും അശ്വനി വൈഷ്ണവ് വാര്ത്താ സമ്മേളനത്തില് പറഞ്ഞു.കേരളത്തിനുള്ള റെയില്വേ ബജറ്റ് വിഹിതം 3042 കോടി രൂപയാണെന്ന് അശ്വനി വൈഷ്ണവ് പറഞ്ഞു. ഇത് യുപിഎ കാലത്തേക്കാള് എട്ട് ഇരട്ടി അധികമാണെന്നും അദ്ദേഹം പറഞ്ഞു.
സംസ്ഥാനത്ത് 15742 കോടി രൂപയുടെ വികസനം പുരോഗമിക്കുന്നതായും 32 സ്റ്റേഷനുകള് നവീകരിക്കുന്നതായും അദ്ദേഹം പറഞ്ഞു.റെയില്വേ സുരക്ഷയ്ക്കായി കൂടുതല് തുകത വിലയിരുത്തുമെന്നും അദ്ദേഹം പറഞ്ഞു. ബീഹാറില് 10,066 കോടി രൂപയും ഒഡീഷയില് 10,599 കോടി രൂപയുമാണ് ബജറ്റില് നീക്കിവച്ചിരിക്കുന്നത്.
