പി.പി ദിവ്യക്കെതിരെ കളക്ടറേറ്റ് ജീവനക്കാരുടെ മൊഴി. യാത്രയയപ്പിലേക്ക് പി.പി ദിവ്യയെ ക്ഷണിച്ചിരുന്നില്ലെന്നും ദിവ്യ കയറിവന്നത് അപ്രതീക്ഷിതമായെന്നും സ്റ്റാഫ് കൗണ്സില് മൊഴി നല്കി. ദിവ്യയുടെ പ്രസംഗത്തിന് ശേഷം എല്ലാവരും ഞെട്ടിത്തരിച്ചുപോയെന്നും എഡിഎം മൂന്നുവരിയില് മറുപടി പ്രസംഗം അവസാനിപ്പിച്ചെന്നും ജീവനക്കാര് മൊഴി നല്കി. യാത്രയയപ്പ് യോഗത്തില് പങ്കെടുത്തവരുടേതാണ് മൊഴി. അതേസമയം നവീന് ബാബു കൈക്കൂലി വാങ്ങിയെന്നാരോപിച്ച ടി.വി പ്രശാന്തന്റെ മൊഴിയെടുത്തു. കണ്ണൂര് ടൗണ് സിഐയാണ് മൊഴിയെടുത്തത്.
