ഡല്ഹി സത്യനികേതനില് ഹോസ്റ്റല് കെട്ടിടം തകര്ന്നു വീണുണ്ടായ അപകടത്തില് മരണം ഏഴായി. മുപ്പതില് അധികം വിദ്യാര്ത്ഥികള് അവശിഷ്ടങ്ങള്ക്കിടയില് കുടുങ്ങി കിടക്കുന്നുണ്ടെന്നാണ് സൂചന. സംസ്ഥാന, കേന്ദ്ര ദുരന്തനിവാരണ സേന, ഡല്ഹി ഫയര് സര്വീസ്, പൊലീസ്, സിവില് ഡിഫന്സ് എന്നിവര് രക്ഷാപ്രവര്ത്തനത്തില് പങ്കെടുക്കുന്നുണ്ട്. കെട്ടിടാവശിഷ്ടങ്ങള്ക്കിടയില് നിന്ന് രക്ഷപ്പെടുത്തിയ വിദ്യാര്ത്ഥികള് സമീപത്തെ ആശുപത്രികളില് ചികിത്സയില് തുടരുകയാണ്. മൂന്ന് വിദ്യാര്ത്ഥികളുടെ നില ഗുരുതരമാണെന്നാണ് വിവരം. അതേസമയം മരണ കണക്കില് വ്യക്തത വരുത്താതെ സര്ക്കാര് ഒളിച്ചുകളിക്കുകയാണെന്ന ആരോപണവുമായി സിജെപി രംഗത്തെത്തിയിട്ടുണ്ട്.
