അമേരിക്കയുമായി നയതന്ത്ര കരാറിലെത്താന്‍ തയ്യാറായില്ലെങ്കില്‍ ഇറാനെതിരെ വീണ്ടും സൈനിക ആക്രമണം നടത്തിയേക്കുമെന്ന മുന്നറിയിപ്പുമായി അമേരിക്കന്‍ പ്രസിഡന്റെ ഡൊണാളഡ് ട്രംപ്. ഫ്‌ലോറിഡയില്‍ നടന്ന ഒരു പ്രചാരണ റാലിയെ അഭിസംബോധന ചെയ്ത് സംസാരിക്കവെയായിരുന്നു ട്രംപിന്റെ ഈ ഭീഷണി. തുര്‍ക്കിയിലെ യുഎസ് അംബാസഡറും സിറിയയിലെ വാഷിംഗ്ടണിന്റെ പ്രധാന നയതന്ത്രജ്ഞനുമായ ടോം ബാരക് ഇറാന് നേരെ ആക്രമണമുണ്ടാകാന്‍ സാധ്യതയുണ്ടെന്ന് ഒരു പോഡ്കാസ്റ്റില്‍ സൂചിപ്പിച്ചതിന് തൊട്ടുപിന്നാലെയാണ് ട്രംപിന്റെ ഈ കടുത്ത പ്രതികരണം പുറത്തുവന്നത്. ഇറാനെതിരായ യുഎസ് സൈനിക നടപടിയുടെ കോഡ് നാമമായ 'എപ്പിക് ഫ്യൂറി' പരാമര്‍ശിച്ചുകൊണ്ട്, 'ഞങ്ങള്‍ മറ്റൊരു ചെറിയ 'എപ്പിക് ഫ്യൂറി' കൂടി നടത്തിയേക്കാം, എന്നായിരുന്നു ട്രംപിന്റെ പരാമര്‍ശം.
