സൗദി അറേബ്യക്കെതിരെ വീണ്ടും വ്യാപക ആക്രമണവുമായി ഹൂതികള്‍. സൗദിയിലേക്കും യെമനിലെ ഏദന്‍ അന്താരാഷ്ട്ര വിമാനത്താവളത്തിലും മിസൈല്‍ ആക്രമണം. മക്കയിലും ജിദ്ദയിലും മിസൈല്‍ ഭാഗങ്ങള്‍ പതിച്ചതായും റിപ്പോര്ട്ട്. വിമാനത്താവളത്തില്‍ രണ്ട് ബാലിസ്റ്റിക് മിസൈലുകള്‍ പതിച്ചതായും ഈ മാസത്തെ നാലാമത്തെ ആക്രമണമാണിതെന്നും യെമന്‍ സര്‍ക്കാര്‍ വൃത്തങ്ങള്‍ സ്ഥിരീകരിച്ചു. വ്യോമഗതാഗത സുരക്ഷയെ ബാധിക്കുന്നതാണിതെന്നും കൂടുതല്‍ ജീവഹാനിക്ക് ഇടയാക്കുന്നതാണ് ആക്രമണമെന്നും യെമന്‍ സര്‍ക്കാര്‍ വ്യക്തമാക്കി. അതിനിടെ മക്ക, മദീനകള്‍ക്ക് നേരെയുണ്ടായ ഹൂതികളുടെ മിസൈല്‍ ആക്രമണത്തെ പ്രതിരോധിച്ചതായി സൗദി സഖ്യസേന അറിയിച്ചു.
