പീഡനക്കേസ് പ്രതി രാഹുൽ മാങ്കൂട്ടത്തിൽ ഒളിവിലാണെന്ന അഭ്യൂഹങ്ങൾക്കിടെ അദ്ദേഹം തിരുവനന്തപുരത്ത് എത്തിയിരുന്നതായി റിപ്പോർട്ട്. ഇന്നലെ വഞ്ചിയൂരിലെ അഭിഭാഷകന്റെ ഓഫീസിലെത്തി മുൻകൂർ ജാമ്യാപേക്ഷയ്ക്കുള്ള വക്കാലത്തിൽ ഒപ്പിട്ട ശേഷം അദ്ദേഹം മടങ്ങുകയായിരുന്നു.
രാഹുൽ മാങ്കൂട്ടത്തിൽ ഒളിവിൽ പോയെന്നായിരുന്നു നേരത്തെ പുറത്തുവന്ന വാർത്തകൾ. പൊലീസ് ലുക്ക്ഔട്ട് നോട്ടീസ് പുറപ്പെടുവിക്കുകയും, സംസ്ഥാന വ്യാപകമായി തെരച്ചിൽ നടത്തുകയും ചെയ്യുന്നതിനിടയിലാണ് ഇദ്ദേഹം തിരുവനന്തപുരത്ത് എത്തി വക്കാലത്തിൽ ഒപ്പിട്ടത്.
വിമാനത്താവളങ്ങളിലും പൊലീസ് പരിശോധന കർശനമാക്കിയിരുന്നു. എന്നാൽ അന്വേഷണസംഘത്തിന്റെ കണ്ണുവെട്ടിച്ചാണ് രാഹുൽ അഭിഭാഷകനെ കണ്ടത്. ഇതോടെ രാഹുൽ കേരളം വിട്ടിട്ടില്ലെന്ന് വ്യക്തമായിരിക്കുകയാണ്. മുൻകൂർ ജാമ്യാപേക്ഷ കോടതിയുടെ പരിഗണനയിലാണ്. രാഹുലിനെ കണ്ടെത്താനുള്ള ശ്രമം പോലീസ് ഊർജിതമാക്കിയിട്ടുണ്ട്.
