ശബരിമലയിലെ തീർത്ഥാടക തിരക്ക് നിയന്ത്രിക്കുന്നതിനായി, സ്പോട്ട് ബുക്കിംഗിന്റെ എണ്ണം തീരുമാനിക്കാൻ ഹൈക്കോടതിയുടെ നിർദ്ദേശപ്രകാരം പ്രത്യേക സമിതിയെ രൂപീകരിച്ചു.
ഒരു ദിവസത്തെ സ്പോട്ട് ബുക്കിംഗിന്റെ എണ്ണം എത്രയായിരിക്കണം എന്ന് ഈ സമിതിയായിരിക്കും തീരുമാനിക്കുക. നിലവിൽ പ്രതിദിനം 5000 പേർക്കാണ് സ്പോട്ട് ബുക്കിംഗ് അനുവദിച്ചിരുന്നത്. തീർത്ഥാടകരുടെ തിരക്ക് കണക്കിലെടുത്താണ് ഹൈക്കോടതി ഇത്തരമൊരു നടപടിക്ക് നിർദ്ദേശം നൽകിയത്.
പൊലീസ് കോർഡിനേറ്റർ, എക്സിക്യൂട്ടീവ് ഓഫീസർ, സ്പെഷ്യൽ കമ്മീഷണർ എന്നിവരാണ് സമിതിയിലെ അംഗങ്ങൾ. തിരക്കിന്റെ അടിസ്ഥാനത്തിൽ സ്പോട്ട് ബുക്കിംഗ് എണ്ണം വർദ്ധിപ്പിക്കണമോ വേണ്ടയോ എന്ന കാര്യത്തിൽ ദേവസ്വം ബോർഡ് ഉൾപ്പെടെയുള്ളവർക്ക് തീരുമാനമെടുക്കാൻ സാധിക്കും.
