വിദേശ രാജ്യങ്ങള്‍ക്കെതിരെ വീണ്ടും ഭീഷണിയുമായി അമേരിക്കന്‍ പ്രസിഡന്റ് ഡോണാള്‍ഡ് ട്രംപ്. ഇറക്കുമതി ചെയ്യുന്ന ബ്രാന്‍ഡഡ് മരുന്നുകള്‍ക്ക് 100 ശതമാനം നികുതി ഏര്‍പ്പെടുത്തുമെന്ന് പ്രഖ്യാപനം. പുതിയ തീരുവ ഒക്ടോബര്‍ ഒന്ന് മുതല്‍ പ്രബല്യത്തില്‍ വരും. ഔഷധ മരുന്നുകള്‍ക്ക് 100% വും നിത്യോപയോഗ സാധനങ്ങള്‍ക്ക് 50%, തീരുവയുമാണ് ഏര്‍പ്പെടുത്തുക. ഔഷധ മരുന്നുകള്‍ ഇറക്കുമതി ചെയ്യുന്നതിന് പകരം അമേരിക്കയില്‍ നിര്‍മിക്കണമെന്നാണ് ട്രംപിന്റെ ആവശ്യം. പ്രഖ്യാപനം ഇന്ത്യന്‍ ഔഷധ നിര്‍മാതാക്കളെ ബാധിച്ചേക്കുമെന്നാണ്നിഗമനം. സമൂഹമാധ്യമ അക്കൗണ്ടായ ട്രൂത്ത് സോഷ്യലിലാണ് ട്രംപിന്റെ പ്രതികരണം.
