മുഖ്യമന്ത്രിയുടെ മകള്‍ വീണാ വിജയന്‍ ഉള്‍പ്പെട്ട മാസപ്പടി കേസില്‍ എസ്എഫ്‌ഐഒയുടെ തുടര്‍ നടപടികള്‍ സ്റ്റേ ചെയ്യണമെന്ന് ആവശ്യപ്പെട്ട് സിഎംആര്‍എല്‍ നല്‍കിയ ഹര്‍ജി ഇന്ന് ഡല്‍ഹി ഹൈക്കോടതി പരിഗണിക്കും. കേസില്‍ എസ്എഫ്ഐഒ പുതിയ കുറ്റപ്പത്രം സമര്‍പ്പിച്ചതിന് പിന്നാലെയാണ് സിഎംആര്‍എല്‍ ഹര്‍ജി നല്‍കിയത്.
കേസിന്റെ അന്വേഷണ റിപ്പോര്ട്ട് കേന്ദ്ര സര്‍ക്കാരിന് കൈമാറിയോ എന്ന കാര്യം വ്യക്തമാക്കണമെന്നും ഹര്‍ജിയില്‍ പറയുന്നു. അതേസമയം കേസുമായി ബന്ധപ്പെട്ട വിവരങ്ങള്‍ മാധ്യമങ്ങള്‍ക്ക് നല്‍കിയ ഉദ്യോഗസ്ഥര്‍ക്കെതിരെ അന്വേഷണം വേണമെന്നും ഹര്‍ജിയില്‍ ആവശ്യപ്പെട്ടിട്ടുണ്ട്.
