കേരളത്തില് വെള്ളിയാഴ്ച മുതല് അതിശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ചൈന, വിയറ്റ്നാം തുടങ്ങിയ രാജ്യങ്ങളിലുണ്ടായ ശക്തമായ വിഫ ചുഴലിക്കാറ്റിന്റെ സ്വാധീനത്തിലാണ് കേരളത്തിലും ശക്തമായ മഴയുണ്ടായേക്കാമെന്ന് മുന്നറിയിപ്പ് നല്കിയത്. അതിതീവ്ര ചുഴലിക്കാറ്റായ വിഫയുടെ അവശിഷ്ടം ചക്രവാത ചുഴിയായി ബംഗാള് ഉള്ക്കടലില് പ്രവേശിക്കും ഇതിന്റെ സ്വാധീനത്തില് ന്യൂനമര്ദം രൂപപ്പെടാനുള്ള സാധ്യതയുണ്ടെന്നാണ് നിഗമനം. വെള്ളിയാഴ്ച പത്തനംതിട്ട,കോട്ടയം,ഇടുക്കി, എറണാകുളം,തൃശൂര് ജില്ലകളിലും ശനിയാഴ്ച പാലക്കാട്,മലപ്പുറം,കോഴിക്കോട് ,വയനാട് ജില്ലകളിലും ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
