മാര്പാപ്പയുടെ മരണപത്രം വത്തിക്കാന് പുറത്തുവിട്ടു. അന്ത്യവിശ്രമമൊരുക്കേണ്ടത് റോമിലെ സെന്റ് മേരി മേജര് ബസിലിക്കയിൽ ആയിരിക്കണമെന്നാണ് മാര്പാപ്പ മരണപത്രത്തില് പറയുന്നത്. ശവകുടീരത്തില് പ്രത്യേക അലങ്കാരങ്ങള് പാടില്ലെന്നും ലാറ്റിന് ഭാഷയില് ഫ്രാന്സിസ് എന്ന് മാത്രം എഴുതിയാല് മതിയെന്നും മരണപത്രത്തില് പറയുന്നു.
സഭയുടെ സ്ഥാപകനെന്ന് വിശ്വസിക്കുന്ന ക്രിസിതു ശിഷ്യന് പത്രോസിന്റെ ശവകുടീരം സ്ഥിതിചെയ്യുന്ന സെന്റ് പീറ്റേഴ്സ് ബസലിക്കയിലാണ് മുന് മാര്പാപ്പമാരില് ഭൂരിഭാഗം പേരും അന്ത്യവിശ്രമം കൊള്ളുന്നത്. അതിനിടെ മാര്പാപ്പയുടെ മരണകാരണം വ്യക്തമാക്കി വത്തിക്കാന് വാര്ത്താക്കുറിപ്പ് പുറത്തിറക്കി. ഹൃദയസ്തംഭനവും പക്ഷാഘാതവുമാണ് മരണത്തിലേക്ക് നയിച്ചതെന്ന് വത്തിക്കാന് അറിയിച്ചു
