തെരഞ്ഞെടുപ്പിനിടെ വിവിധ ഇടങ്ങളില്‍ കള്ളവോട്ട് നടന്നതായി പരാതി. എറണാകുളം, പത്തനംതിട്ട,ആറ്റിങ്ങല്‍ എന്നിവിടങ്ങളില്‍ കള്ളവോട്ട് നടന്നെന്നാണ് ആരോപണം. പത്തനംതിട്ടയിലെ ഓമല്ലൂര്‍ 205 ആം ബൂത്തിലെ വോട്ടര്‍ ജോമോന്‍ കെ യേശുദാസിന്റെ വോട്ട് മറ്റാരോ വോട്ട് ചെയ്തതായി കണ്ടെത്തി.
ആറ്റിങ്ങല്‍ മണ്ഡലത്തില്‍ പോത്തന്‍കോട് 43-ആം ബൂത്തിലും കള്ളവോട്ട് നടന്നു.പോത്തന്‍കോട് സ്വദേശി ലളിതമ്മയുടെ വോട്ട് മറ്റാരോ ചെയ്തെന്നാണ് ആരോപണം. തൃശ്ശൂര്‍ പൂങ്കുന്നത്തെ മുപ്പതാം നമ്പര്‍ പോളിംഗ് ബൂത്തില്‍ 45 വോട്ടുകള്‍ അനധികൃതമായി ചേര്‍ത്തിയെന്ന് ആരോപിച്ച് തര്‍ക്കമുണ്ടായി.
