കാനഡയ്ക്ക് മുകളിൽ വീണ്ടും താരിഫ് ഭീഷണിയുമായി മുൻ അമേരിക്കൻ പ്രസിഡന്റ് ഡൊണാൾഡ് ട്രംപ്. എയർക്രാഫ്റ്റ് സർട്ടിഫിക്കേഷനുമായി ബന്ധപ്പെട്ട തർക്കങ്ങളെ തുടർന്നാണ് ട്രംപിന്റെ പുതിയ നീക്കം. അമേരിക്കയിൽ വിൽപ്പന നടത്തുന്ന എല്ലാ കനേഡിയൻ വിമാന നിർമ്മാണ കമ്പനികൾക്കും 50% തീരുവ (Tariff) ചുമത്തുമെന്നാണ് ട്രൂത്ത് സോഷ്യലിലൂടെ ട്രംപ് ഭീഷണി മുഴക്കിയിരിക്കുന്നത്.
ലോകത്തിലെ ഏറ്റവും മികച്ച സാങ്കേതികവിദ്യയുള്ള വിമാനങ്ങളായ ഗൾഫ് സ്ട്രീമിന് (Gulfstream) സർട്ടിഫിക്കേഷൻ നൽകാതെ കാനഡ തടഞ്ഞുവെച്ചിരിക്കുന്നത് നിയമപരമല്ലെന്നാണ് ട്രംപിന്റെ ആരോപണം. അമേരിക്കൻ വിമാന കമ്പനിയായ ഗൾഫ് സ്ട്രീം എയറോസ്പേസിന്റെ ബിസിനസ് ജെറ്റ് വിമാനങ്ങൾക്ക് കാനഡ സർട്ടിഫിക്കേഷൻ നൽകാതെ തടഞ്ഞുവെച്ചിരിക്കുന്നത് നീതിക്ക് നിരക്കാത്തതാണെന്ന് അദ്ദേഹം പറയുന്നു.
അമേരിക്കൻ വിപണിയിൽ വലിയ തോതിൽ വിമാനങ്ങൾ വിൽക്കുന്ന കനേഡിയൻ വിമാന നിർമ്മാതാക്കളായ ബോംബാർഡിയറെ (Bombardier) ലക്ഷ്യമിട്ടാണ് ട്രംപിന്റെ ഈ ഭീഷണി. ഈ സാഹചര്യത്തിൽ ഉടനടി തിരുത്തലുകൾ ഉണ്ടായില്ലെങ്കിൽ, അമേരിക്കയിൽ വിൽക്കുന്ന എല്ലാ കനേഡിയൻ വിമാനങ്ങൾക്കും 50% തീരുവ ചുമത്തുമെന്നാണ് ട്രംപിന്റെ മുന്നറിയിപ്പ്.
അതേസമയം, ട്രംപിന്റെ ഈ നിലപാടിനോട് കനേഡിയൻ പ്രധാനമന്ത്രി മാർക്ക് കാർണി രൂക്ഷമായാണ് പ്രതികരിച്ചത്. കാനഡയുടെ പരമാധികാരത്തെ മാനിക്കാൻ അമേരിക്കൻ ഭരണകൂടം തയ്യാറാകണമെന്നും അദ്ദേഹം ആവശ്യപ്പെട്ടു.
