പൊള്ളാച്ചി/വാൽപ്പാറ: ബൈക്കിൽ പോയ ജർമ്മൻ പൗരനെ കാട്ടാന ആക്രമിച്ചു കൊലപ്പെടുത്തി. തമിഴ്നാട് വാൽപ്പാറ പാതയിൽ ഇന്ന് വൈകിട്ട് 6.30 നാണ് സംഭവം. റോഡിൽ ആന നിൽക്കുന്നത് കണ്ടിട്ടും ബൈക്ക് മുന്നോട്ടെടുത്ത 60 കാരൻ മൈക്കലിനെയാണ് ആന കൊമ്പിൽ കോർത്ത് എറിഞ്ഞത്.പിന്നാലെ ചെന്ന് വീണ്ടും ആക്രമിച്ചു . ഇതുവഴി വന്ന യാത്രക്കാർ ബഹളം വച്ചതോടെ ആന പിൻവാങ്ങി.
ഗുരുതരമായി പരിക്കേറ്റ മൈക്കലിനെ വാൽപ്പാറ എസ്റ്റേറ്റ് ആശുപത്രിയിലെത്തിച്ച് പ്രാഥമിക ശുശ്രൂഷ നൽകിയ ശേഷം പൊള്ളാച്ചി ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. മൃതദേഹം പൊള്ളാച്ചി ആശുപത്രിയിൽ സൂക്ഷിച്ചിരിക്കുകയാണ്.
