പശ്ചിമേഷ്യയിലെ യുദ്ധസാഹചര്യം കണക്കിലെടുത്ത് ഇറാൻ, ലബനൻ, ഇറാഖ് എന്നീ രാജ്യങ്ങളിലേക്ക് യു.എ.ഇ പൗരന്മാർക്ക് യാത്രാ വിലക്കേർപ്പെടുത്തി. ഈ രാജ്യങ്ങളിലേക്ക് യാത്ര ചെയ്യുന്നത് പാടില്ലെന്ന് യു.എ.ഇ വിദേശകാര്യ മന്ത്രാലയം കർശനമായ നിർദ്ദേശം നൽകി.
നിലവിൽ ഈ രാജ്യങ്ങളിൽ കഴിയുന്ന യു.എ.ഇ പൗരന്മാർ എത്രയും വേഗം തിരികെ യു.എ.ഇയിലേക്ക് മടങ്ങണമെന്നും മന്ത്രാലയം ആവശ്യപ്പെട്ടിട്ടുണ്ട്. വിദേശത്തുള്ള തങ്ങളുടെ പൗരന്മാരുടെ സുരക്ഷ ഉറപ്പാക്കുന്നതിന്റെ ഭാഗമായാണ് ഈ അടിയന്തര നടപടി സ്വീകരിച്ചതെന്ന് മന്ത്രാലയം അറിയിച്ചു. പൗരന്മാരെ സംരക്ഷിക്കുന്നതിനായി നടപ്പിലാക്കുന്ന മുൻകരുതൽ നടപടികളുടെ ഭാഗമായാണ് ഈ വിലക്കെന്ന് അധികൃതർ വ്യക്തമാക്കി.
