തിരുവനന്തപുരം: സ്വാതന്ത്ര്യദിനത്തില് സംസ്ഥാനത്തെ സ്കൂളുകളില് വന്ദേമാതരം ആലപിക്കണമെന്ന് നിര്ദേശമില്ല. പൊതുവിദ്യാഭ്യാസ ഡയറക്ടറുടെ സര്ക്കുലറിലാണ് വന്ദേമാതരം പരാമര്ശിക്കാത്തത്. സര്ക്കുലറില് ദേശീയഗാനം ആലപിക്കണമെന്ന് മാത്രമാണ് നിര്ദേശം.
ദേശീയഗാനം ആലപിക്കുമ്പോള് എഴുന്നേറ്റ് നിന്ന് ആദരവ് പ്രകടിപ്പിക്കണമെന്നും ഹരിത പ്രോട്ടോക്കോള് പാലിക്കണമെന്നും സര്ക്കുലറില് പരാമര്ശമുണ്ട്. ദേശീയപതാക ഉയർത്തുന്നതുമായി ബന്ധപ്പെട്ട നിർദേശങ്ങളും ഇതിൽ ഉൾപ്പെടുന്നു.പ്രോട്ടോക്കോള് ഓഫീസറുടെ സര്ക്കുലറിന്റെ അടിസ്ഥാനത്തിലാണ് വിദ്യാഭ്യാസ ഡയറക്ടറുടെ നിര്ദേശം. നേരത്തെ സംസ്ഥാനത്തെ ഔദ്യോഗിക പരിപാടികളില് വന്ദേമാതരം പൂര്ണമായും ആലപിക്കണമെന്ന് ചീഫ് സെക്രട്ടറി നിര്ദേശം നല്കിയിരുന്നു.
