സംസ്ഥാനത്തെ 38 തദ്ദേശ സ്വയംഭരണ വാര്ഡുകളിലേക്കുള്ള ഉപതിരഞ്ഞെടുപ്പ് നാളെ നടക്കും. കൊല്ലം, ആലപ്പുഴ ഒഴികെ 12 ജില്ലകളിലെ തദ്ദേശ സ്വയംഭരണ വാര്ഡുകളിലായി 126 സ്ഥാനാര്ഥികള് ജനവിധി തേടുന്നുണ്ട്. രാവിലെ ഏഴുമുതല് വൈകിട്ട് ആറുമണിവരെയാണ് വോട്ടെടുപ്പ്. ശനിയാഴ്ച വൈകിട്ടോടെ പരസ്യപ്രചാരണം അവസാനിച്ചു. നിയമസഭാംഗമായതിനാല് വാര്ഡ് മെമ്പര് സ്ഥാനം രാജിവച്ചതിനെ തുടര്ന്നാണ് ചില സ്ഥലങ്ങളില് ഉപതെരഞ്ഞെടുപ്പ് നടക്കുന്നത്. പാലക്കാടാണ് ഏറ്റവുമധികം സ്ഥാനാര്ത്ഥികള് ജനവിധി തേടുന്നത്. 385 പോളിങ് സ്റ്റേഷനുകള് സജ്ജമാക്കിയിട്ടുണ്ട്. ഉപതെരഞ്ഞെടുപ്പ് നടത്താന് ഒരുക്കങ്ങള് പൂര്ത്തിയായതായി സംസ്ഥാന തെരഞ്ഞെടുപ്പ് കമ്മീഷണര് എന് ശേഷാദ്രിനാഥന് അറിയിച്ചു.
