നാമ: ബഹ്റൈനില്‍ ബാത്ത്ടബ്ബിൽ വീണ് ഗുരുതരാവസ്ഥയിലായിരുന്ന മലയാളി ബാലന്‍ മരിച്ചു. കോട്ടയം സ്വദേശി ജോസഫിന്റെ ഏകമകനായ ധ്യാന്‍ സൂര്യ (മൂന്ന് വയസ്സ്) ആണ് സല്‍മാനിയ മെഡിക്കല്‍ കോംപ്ലക-്‌സില്‍ ചികിത്സയിലിരിക്കെ മരിച്ചത്.ഓണം ആഘോഷിക്കാനായി കഴിഞ്ഞയാഴ-്‌ചയാണ് ധ്യാന്‍ ബഹ്റൈന്‍ കേരളീയ സമാജം അംഗമായ അമ്മ മേഘയുടെ അടുത്തെത്തിയത്.
ഓണസദ്യയ-്‌ക്ക്‌ ശേഷം കുട്ടി ഉറങ്ങാന്‍ കിടന്നിരുന്നു. ഈ സമയം അമ്മ അടുക്കളയില്‍ ജോലി ചെയ്യുകയായിരുന്നു. ഉറക്കമുണര്‍ന്ന കുട്ടി കുളിമുറിയിലെ ടബ്ബില്‍ കളിക്കുന്നതിനിടെ കാല്‍ വഴുതി വീഴുകയായിരുന്നു.കുട്ടിയെ ബോധരഹിതനായി കണ്ട അമ്മ ഉടന്‍ തന്നെ കെട്ടിടത്തിലുണ്ടായിരുന്ന ഡോക-്‌ടറുടെ സഹായത്തോടെ പ്രഥമശുശ്രൂഷ നല്‍കി. വിവരമറിഞ്ഞെത്തിയ എമര്‍ജന്‍സി സംഘം കുട്ടിയെ ഉടന്‍ തന്നെ ആശുപത്രിയിലേക്ക് മാറ്റിയെങ്കിലും മൂന്ന് ദിവസത്തിന് ശേഷം ഞായറാഴ-്‌ച മരിക്കുകയായിരുന്നു.
കഴിഞ്ഞ ആറു വര്‍ഷമായി ബഹ്റൈനില്‍ ബ്യൂട്ടി സലൂണ്‍ നടത്തുകയാണ് അമ്മ മേഘ. നാട്ടില്‍ മുത്തശ്ശനും മുത്തശ്ശിക്കുമൊപ്പമായിരുന്നു ധ്യാന്‍ താമസിച്ചിരുന്നത്.
ധ്യാൻ സൂര്യയുടെ മൃതദേഹം ഇന്ന് രാത്രി ഒൻപതിന് ഗൾഫ് എയർ വിമാനത്തിൽ നാട്ടിലേക്ക് കൊണ്ടുപോകും. ഇതിന് മുന്നോടിയായി മൃതദേഹം സൽമാനിയ ആശുപത്രി മോർച്ചറിയിൽ ഉടൻ പൊതുദർശനത്തിന് വയ്ക്കും.
