ബീഹാറിലെ ബങ്കിപ്പൂർ നിയമസഭാ ഉപതെരഞ്ഞെടുപ്പിൽ ബി.ജെ.പിയെ പിന്നിലാക്കി ജൻ സുരാജ് പാർട്ടി സ്ഥാപകൻ പ്രശാന്ത് കിഷോറിന് വൻ മുന്നേറ്റം. വോട്ടെണ്ണൽ ആറ് റൗണ്ടുകൾ പിന്നിട്ടപ്പോൾ 3,700-ലധികം വോട്ടുകളുടെ ലീഡോടെയാണ് പ്രശാന്ത് കിഷോർ മുന്നേറുന്നത്. ബി.ജെ.പി സ്ഥാനാർത്ഥി നീരജ് കുമാറാണ് തൊട്ടുപിന്നിലുള്ളത്.
ബി.ജെ.പി നേതാവ് നിതിൻ നവീൻ രാജിവെച്ച ഒഴിവിലാണ് ബങ്കിപ്പൂരിൽ ഉപതെരഞ്ഞെടുപ്പ് നടന്നത്. 2000 മുതൽ ബി.ജെ.പി കൈവശം വെച്ചിരുന്ന ഉറച്ച കോട്ടയിലാണ് പ്രശാന്ത് കിഷോറും പാർട്ടിയും ബി.ജെ.പിയെ പിന്നിലാക്കി ശക്തമായ മുന്നേറ്റം നടത്തിയത്.
ബങ്കിപ്പൂരിന് പുറമെ മധ്യപ്രദേശിലെ ദാതിയ, ഗുജറാത്തിലെ മഞ്ചൽപൂർ എന്നീ മണ്ഡലങ്ങളിലെ ഉപതെരഞ്ഞെടുപ്പ് വോട്ടെണ്ണലും നിലവിൽ പുരോഗമിക്കുകയാണ്.
