ഡല്‍ഹിയില്‍ വായുമലിനീകരണം രൂക്ഷം. ഇന്ന് രാവിലെ രേഖപ്പെടുത്തിയ കണക്കുകള്‍ പ്രകാരം ഡല്‍ഹിയിലെ ശരാശരി വായുനിലവാര സൂചിക 482 ആണ്. നഗരത്തിലെ ഭൂരിഭാഗം നിരീക്ഷണ കേന്ദ്രങ്ങളിലും വായുനിലവാരം 400-നും മുകളിലാണ് രേഖപ്പെടുത്തിയിരിക്കുന്നത്. AQI റിപ്പോര്‍ട്ടുകള്‍ പ്രകാരം ജഹാംഗീര്‍പുരി 459 എന്ന ഏറ്റവും ഉയര്‍ന്ന വായു മലിനീകരണം റിപ്പോര്ട്ട് ചെയ്തു. അലിപൂര്‍, ബവാന, ജഹാംഗിര്‍പുരി , മുണ്ട്ക, നരേല , പഞ്ചാബി ബാഗ് 448, തുടങ്ങിയ പ്രദേശങ്ങളെല്ലാം ഗുരുതര വിഭാഗത്തില്‍ ഉള്‍പ്പെടുന്നു. ദീപാവലിക്ക് തൊട്ടുമുമ്പുള്ള ദിവസവും ദീപാവലി ദിനത്തിലും രാവിലെ 6:00 മുതല്‍ 7:00 വരെയും രാത്രി 8:00 മുതല്‍ 10:00 വരെയും പടക്കങ്ങളുടെ ഉപയോഗം പരിമിതപ്പെടുത്തണമെന്നും നവംബര്‍ 9 ന് പടക്കങ്ങളുടെ പൂര്‍ണ നിരോധനം പുനഃസ്ഥാപിക്കുമെന്ന് കോടതി അറിയിച്ചു. ദീപാവലിക്കും ഛഠ് പൂജയ്ക്കും ശേഷം വായു മലിനീകരണ തോത് വര്‍ദ്ധിച്ചാല്‍ കൃത്രിമ മഴ പെയ്യിക്കാന്‍ പദ്ധതിയിടുന്നതായും ഡല്‍ഹി സര്‍ക്കാര്‍ അറിയിച്ചു.
