ലക്നൗ: ഉത്തർപ്രദേശിലെ ഗൊരഖ്പൂരിൽ സമാജ്വാദി പാർട്ടി (എസ്പി) അധ്യക്ഷൻ അഖിലേഷ് യാദവ് നയിച്ച റോഡ്ഷോയ്ക്കിടെ ബുൾഡോസർ ഇടിച്ച് 12 വയസ്സുകാരൻ മരിച്ചു. ചൗരി ചൗരയിലെ രാജധാനി ഗ്രാമവാസിയായ ആര്യവർദ്ധൻ സിംഗ് ആണ് മരിച്ചത്. പ്രാദേശിക ബിജെപി നേതാവ് ഓംകാർ സിംഗിന്റെ മകനാണ് ആര്യവർദ്ധൻ.
സമാജ്വാദി പാർട്ടിയുടെ റോഡ് ഷോയ്ക്കിടെ കൂടാഘട്ട് മേഖലയിലായിരുന്നു അപകടം. റാലിക്ക് നേരെ പൂക്കൾ വിതറുകയായിരുന്ന ബുൾഡോസറാണ് അപകടമുണ്ടാക്കിയതെന്ന് കുട്ടിയുടെ പിതാവ് ഓംകാർ സിംഗ് ആരോപിച്ചു.