തിരുവനന്തപുരം: മുഖ്യമന്ത്രി വി.ഡി സതീശന്റെ നേതൃത്വത്തിലുള്ള സർക്കാർ അധികാരത്തിലെത്തി ആറുമാസം തികഞ്ഞതോടെ മന്ത്രിസഭയുടെ കൂട്ടുത്തരവാദിത്തം നഷ്ടപ്പെട്ടുവെന്ന് പ്രതിപക്ഷ നേതാവ് പിണറായി വിജയൻ. കൂട്ടുത്തരവാദിത്തം നഷ്ടപ്പെട്ടുവെന്ന യാഥാർഥ്യം സർക്കാരിനെ അനുകൂലിക്കുന്നവർ പോലും അംഗീകരിക്കുന്നുണ്ട്. മന്ത്രിസഭയുടെ കൂട്ടുത്തരവാദിത്തം നിലനിർത്തേണ്ട പൂർണ ഉത്തരവാദിത്വം മുഖ്യമന്ത്രിക്കാണ്. എന്നാൽ, ഇക്കാര്യത്തിൽ മുഖ്യമന്ത്രിയുടെ ഭാഗത്തുനിന്ന് യാതൊരുവിധ വീണ്ടുവിചാരവും ഉണ്ടാകുന്നില്ല.
മന്ത്രിസഭയിൽ വിയോജിപ്പ് അറിയിക്കുന്നവർ കോൺഗ്രസിലെ പ്രധാനികൾ തന്നെയാണെന്നും ഇതിൽ പ്രധാനി കെപിസിസി പ്രസിഡന്റാണെന്നും അദ്ദേഹം കൂട്ടിച്ചേർത്തു. ഗൗരവമുള്ള വിഷയങ്ങൾ അദ്ദേഹവുമായി പോലും മുഖ്യമന്ത്രി ചർച്ച ചെയ്യുന്നില്ലെന്നും അതൃപ്തി അറിയാവുന്ന ഭാഷയിൽ മാന്യമായി തുറന്നു പറഞ്ഞെന്നും അദ്ദേഹം കൂട്ടിച്ചേർത്തു.