കോഴിക്കോട്: വിലങ്ങാട് ജനവാസ മേഖലയിലിറങ്ങിയ കാട്ടുപോത്തിന്റെ ആക്രമണത്തില് യുവാവ് മരിച്ചു. വിലങ്ങാട് വായാട് ഊരിലെ സുനില് ആണ് മരിച്ചത്. ചെങ്ങന്നൂര് കോടതിയിലെ ജീവനക്കാരനാണ്.
കാട്ടുപോത്തിനെ തുരത്താനുള്ള ശ്രമത്തിനിടെ, കാട്ടുപോത്ത് ആക്രമിക്കുകയായിരുന്നു.ഗുരുതരമായി പരിക്കേറ്റ സുനിലിനെ ഉടന് തന്നെ കുറ്റ്യാടി താലൂക്ക് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. പ്രദേശത്ത് കാട്ടുപോത്തിന്റെ ശല്യം രൂക്ഷമാണെന്ന് നാട്ടുകാര് പറയുന്നു. സംഭവത്തില് പ്രതിഷേധവുമായി നാട്ടുകാര് രംഗത്തെത്തി.
