മുഖ്യമന്ത്രി വി ഡി സതീശന്റെ നേതൃത്വത്തിലുള്ള സർക്കാർ അധികാരത്തിൽ വന്നതിന് പിന്നാലെ സംസ്ഥാനത്ത് ഐഎഎസ് തലപ്പത്ത് അഴിച്ചുപണി. 6 ജില്ലകളില് കളക്ടര്മാരെ മാറ്റി. കണ്ണൂർ കളക്ടർ അരുൺ കെ വിജയനെ മാറ്റി വ്യവസായ വകുപ്പ് ഡയക്ടറാക്കി.
പുതിയ കലക്ടർമാർ 25 നു തന്നെ അതതു ജില്ലകളിൽ ചുമതലയേൽക്കണമെന്നും നിർദേശമുണ്ട്. ഗതാഗത വകുപ്പിൽ സ്പെഷൽ സെക്രട്ടറിയായ പി.ബി.നൂഹിനെ ജിഎസ്ടി കമ്മിഷണറായി നിയമിച്ചു. ജിഎസ്ടി കമ്മിഷണറായിരുന്ന പാട്ടീൽ അജിത് ഭാഗവത് റാവുവിന് ധനവകുപ്പ് സെക്രട്ടറിയായാണ് നിയമനം.
പ്രധാന മാറ്റങ്ങൾ (ബ്രായ്ക്കറ്റിൽ നിലവിലെ തസ്തിക)
∙ ജല അതോറിറ്റി മാനേജിങ് ഡയറക്ടർ, കേര പദ്ധതി ജോയിന്റ് പ്രോജക്ടറുടെ അധികച്ചുമതല – കെ.ഇമ്പശേഖർ (ആലപ്പുഴ കലക്ടർ)
∙ കില ഡയറക്ടർ, ഇംപാക്ട് കേരള ലമിറ്റഡ് എംഡിയുടെ അധിക ചുമതല – എൻ.ദേവിദാസ് (കൊല്ലം കലക്ടർ)
∙ വ്യവസായ വകുപ്പ് ഡയറക്ടർ, കെഎസ്ഐഡിസി എംഡിയുടെ അധിക ചുമതല – അരുൺ കെ.വിജയൻ (കണ്ണൂർ കലക്ടർ)
∙ കോളജ് വിദ്യാഭ്യാസ ഡയറക്ടർ, എൻട്രൻസ് കമ്മിഷണറുടെ അധിക ചുമതല – സ്നേഹിൽ കുമാർ സിങ് (കോഴിക്കോട് കലക്ടർ)
∙ ആരോഗ്യ കുടുംബക്ഷേമ വകുപ്പ് ജോയിന്റ് സെക്രട്ടറിയും സ്പെഷൽ ഡ്യൂട്ടി ഓഫിസറും – എസ്.പ്രേംകൃഷ്ണൻ (പത്തനംതിട്ട കലക്ടർ)
∙ സാമൂഹിക നീതി വകുപ്പ് ഡയറക്ടറും സാമൂഹിക സുരക്ഷാ മിഷൻ എക്സിക്യൂട്ടീവ് ഡയറക്ടർ, കൊച്ചിൻ സ്മാർട്ട് മിഷൻ ലിമിറ്റഡ് സിഇഒ, കൊച്ചി മെട്രോപൊളിറ്റൻ ട്രാൻസ്പോർട്ട് അതോറിറ്റി സിഇഒ എന്നീ അധിക ചുമതലകളും – അരുൺ എസ്.നായർ (എൻട്രൻസ് കമ്മീഷണർ).
∙ വ്യവസായ വകുപ്പ് ഡപ്യൂട്ടി സെക്രട്ടറി, സ്പെഷൽ ഡ്യൂട്ടി ഓഫിസർ, കയർ വികസന വകുപ്പ് ഡയറക്ടറുടെ അധിക ചുമതല – സമീർ കിഷൻ (ആലപ്പുഴ സബ് കലക്ടർ).
പുതിയ കലക്ടർമാർ
∙ കോഴിക്കോട് – എം.എസ്.മാധവിക്കുട്ടി (പാലക്കാട് കലക്ടർ)
∙ പത്തനംതിട്ട – എ.നിസാമുദീൻ (കില ഡയറക്ടർ)
∙ കൊല്ലം – ആനി ജൂല തോമസ് (വ്യവസായ വകുപ്പ് ജോയിന്റ് സെക്രട്ടറിയും സ്പെഷൽ ഡ്യൂട്ടി ഓഫിസറും)
∙ പാലക്കാട് – കെ.സുധീർ (കോളജ് വിദ്യാഭ്യാസ വകുപ്പ് ഡയറക്ടർ)
∙ ആലപ്പുഴ – ഷാജി വി.നായർ (കൊച്ചി സ്മാർട്മിഷൻ ലിമിറ്റഡ് സിഇഒ)
∙ കണ്ണൂർ – പി.വിഷ്ണുരാജ് (വ്യവസായ വകുപ്പ് ഡയറക്ടർ)
