കേരളത്തിലേക്ക് എംഡിഎംഎ കടത്തിയ നൈജീരിയന്‍ വനിതയെ കേരള പൊലീസ് പിടികൂടി. പഞ്ചാബിലെ ജലന്ധറിലുള്ള 'ആഫ്രിക്കന്‍ കോളനി'യില്‍നിന്നാണ് പിടികൂടിയത്. ഇബെ പീസ് ചിനാസെ എന്ന നൈജീരിയക്കാരിയാണ് പിടിയിലായത്. മേയ് ഒമ്പതിന് പന്തീരാങ്കാവില്‍നിന്ന് ഒരുകിലോഗ്രാം എംഡിഎംഎ പിടികൂടിയതുമായി ബന്ധപ്പെട്ട അന്വേഷണത്തിലാണ് നൈജീരിയക്കാരി പിടിയിലായത് .ഇവരെ ജലന്ധര്‍ കോടതിയില്‍ ഹാജരാക്കിയശേഷം നാട്ടിലെത്തിച്ച് കണ്ണൂര്‍ ജയിലിലേക്കുമാറ്റി.
