സിംബാബ്വെയിലെ കരിബ തടാകത്തില് യാത്രക്കാരുമായി പോയ ഫെറി ബോട്ട് മറിഞ്ഞുണ്ടായ അപകടത്തില് മരണസംഖ്യ 72 ആയി. ഉള്ക്കൊള്ളാവുന്നതിലും അധികം ആളുകളെ കയറ്റിയ ഫെറി ബോട്ടാണ് ശക്തമായ കാറ്റില് പെട്ട് തടാകത്തില് മറിഞ്ഞത്.
90 പേരെ മാത്രം കയറ്റാന് അനുമതിയുള്ള ബോട്ടില് 5 ജീവനക്കാരും 114 മുതിര്ന്നവരും എണ്ണമറിയാത്ത അത്രയും കുട്ടികളും ഉണ്ടായിരുന്നുവെന്നാണ് ഔദ്യോഗിക കണക്കുകള്. സര്ക്കാരിന്റെ റൂറല് ഇന്ഫ്രാസ്ട്രക്ചര് ഡെവലപ്മെന്റ് ഏജന്സി നടത്തുന്ന ബോട്ടാണ് അപകടത്തില്പ്പെട്ടത്.
സിംബാബ്വെയുടെ ചരിത്രത്തിലെ ഏറ്റവും വലിയ ജല ദുരന്തങ്ങളിലൊന്നാണിത്. സിംബാബ്വെ-സാംബിയ അതിര്ത്തിയിലുള്ള വലിയ തടാകത്തിനു ചുറ്റും താമസിക്കുന്ന ഗ്രാമീണരും മത്സ്യവ്യാപാരികളുമായിരുന്നു ബോട്ടിലുണ്ടായിരുന്ന യാത്രക്കാരില് ഭൂരിഭാഗവും.
