കണ്ണൂര് റെയില്വേ സ്റ്റേഷനില് വച്ച് മുന് ആരോഗ്യമന്ത്രി വീണ ജോര്ജിനെ ആയുധം ഉപയോഗിച്ച് വധിക്കാന് ശ്രമിച്ചെന്ന കേസില് വീണ ജോര്ജിന്റെ മൊഴി രേഖപ്പെടുത്താന് എസ്ഐടി. കൂടെ ഉണ്ടായിരുന്ന ഗണ്മാന്റെ മൊഴിയും രേഖപ്പെടുത്തും. റെയില്വേ സ്റ്റേഷനിലെ സിസിടിവി ദൃശ്യങ്ങളടക്കം പരിശോധിക്കും. കേസില് ഇന്നലെയാണ് തുടരന്വേഷണത്തിന് എസ്ഐടി രൂപീകരിച്ചത്. യു പ്രേമന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് കേസ് അന്വേഷിക്കുന്നത്. പ്രതിഷേധത്തിനിടെ കെഎസ്യു പ്രവര്ത്തകര് ആയുധം ഉപയോഗിച്ച് ആക്രമിച്ചുവെന്നായിരുന്നു കേസ്. കള്ളക്കേസിന് പിന്നിലെ ഗൂഢാലോചന അന്വേഷിക്കണമെന്ന ടി.ഒ മോഹനന് എംഎല്എയുടെയും കെഎസ്യു പ്രവര്ത്തകരുടെയും പരാതിയിലാണ് തുടരന്വേഷണം. ഫെബ്രുവരി 25ന് കണ്ണൂര് റെയില്വേ സ്റ്റേഷനില് വെച്ചാണ് വീണജോര്ജിനെതിരെ കെഎസ്യു പ്രവര്ത്തകരുടെ പ്രതിഷേധമുണ്ടാകുന്നത്. കെഎസ്യു ജില്ലാ പ്രസിഡന്റ് അടക്കം അഞ്ച് പേര്ക്കെതിരെയായിരുന്നു കേസെടുത്തിരുന്നത്. വധശ്രമം അടക്കമുള്ള ഗുരുതരമായ കുറ്റങ്ങള് ചുമത്തിയെങ്കിലും പിന്നീട് ഈ വകുപ്പ് എടുത്തുമാറ്റി. മാരകായുധങ്ങള് ഉപയോഗിച്ച് ആക്രമിച്ചു എന്നായിരുന്നു ആദ്യഘട്ടത്തില് മൊഴിയായി നല്കിയിരുന്നത്. എന്നാല് സിസിടിവി അടക്കം പരിശോധിച്ച് നടത്തിയ അന്വേഷണത്തില് മാരകായുധങ്ങള് ഉപയോഗിച്ചിട്ടില്ലെന്ന് കണ്ടെത്തിയിരുന്നു.
