ചുട്ടുപൊള്ളി കേരളം. ഇന്നലെ 36.2 ഡിഗ്രിവരെ ചൂട് ഉയർന്നതിനാൽ ജാഗ്രതാ നിർദേശം നൽകി കാലാവസ്ഥാ നിരീക്ഷണകേന്ദ്രം. ഒറ്റപ്പെട്ട ഇടങ്ങളില് മൂന്ന് മുതല് നാല് ഡിഗ്രി സെല്ഷ്യസ് വരെ താപനില ഉയരാനാണ് സാധ്യത. അള്ട്രാ വയലറ്റ് രശ്മികളുടെ വികിരണ തോതും ഉയര്ന്നിട്ടുണ്ട്. ചൂടിനൊപ്പം അന്തരീക്ഷ ഈര്പ്പവും ഉയര്ന്ന് നില്ക്കുന്നതിനാല് യഥാര്ഥ താപനിലയെക്കാള് കൂടുതല് ചൂട് അനുഭവപ്പെടുന്ന സാഹചര്യമാണ് ഉള്ളത്. തെക്ക് പടിഞ്ഞാറന് മണ്സൂണ് ദുര്ബലമായതാണ് ചൂടുകൂടാന് കാരണം. അതേസയമം ഇപ്പോഴത്തെത് ഉഷ്ണതരംഗ സാഹചര്യമായി വിലയിരുത്തിയിട്ടില്ല. ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി ഗുരുതരമായ ആരോഗ്യപ്രശ്നങ്ങള്ക്ക് കാരണമാകുന്നതിനാല് ജനങ്ങള് ജാഗ്രത പാലിക്കണമെന്ന് ദുരന്ത നിവാരണ അതോറിറ്റി അറിയിച്ചു.
