സംസ്ഥാനത്ത് മരുന്ന് പ്രതിസന്ധി രൂക്ഷം. സര്ക്കാര് ആശുപത്രിയില് പ്രധാന മരുന്നുകള് പോലും സ്റ്റോക്കില്ല. ഈ വര്ഷത്തെ സ്റ്റോക്ക് എത്തിയില്ല. പേ വിഷബാധ കുത്തിവെയ്പ്പ് മരുന്നും ഇല്ല. കുഞ്ഞുങ്ങള്ക്കും ഗര്ഭിണികള്ക്കും നല്കേണ്ട മരുന്നുള്പ്പെടെയാണ് കിട്ടാനില്ലാത്തത്. അഞ്ചുവയസില് താഴെയുള്ള കുട്ടികള്ക്കുള്ള വൈറ്റമിന് -എ തുള്ളിമരുന്ന് ജൂലൈമുതല് ലഭ്യമല്ല. പ്രമേഹം, രക്തസമ്മര്ദം, ഹൃദ്രോഗം എന്നിവയ്ക്കുള്ള മരുന്നുകളും ഗര്ഭിണികള്ക്കുള്ള വൈറ്റമിന് -ഡി ഗുളിക, ഫോളിക് ആസിഡ്, അയണ് ഗുളികകളും സ്റ്റോക്ക് തീര്ന്ന നിലയിലാണ്. സര്ക്കാര് ആശുപത്രികളില് വേണ്ടത്ര ഡോക്ടര്മാരില്ലാത്തതും രോഗികളെ വലയ്ക്കുകയാണ്.
