തിരുവനന്തപുരം: പ്ലീഡര് നിയമന വിവാദങ്ങള്ക്ക് പിന്നാലെ മുഖ്യമന്ത്രിയുമായി കൂടിക്കാഴ്ച നടത്തി കെഎസ്യു സംസ്ഥാന അധ്യക്ഷന് അലോഷ്യസ് സേവ്യര്. പ്ലീഡര് വിവാദവുമായി ബന്ധപ്പെട്ട എല്ലാ ആശങ്കകളും മുഖ്യമന്ത്രിയെ നേരിട്ട് കണ്ട് അറിയിച്ചുവെന്നും കെഎസ്യു സ്പിരിറ്റ് ഉള്ക്കൊണ്ട് സര്ക്കാര് പോസിറ്റീവായ തീരുമാനം എടുക്കുമെന്നാണ് പ്രതീക്ഷിക്കുന്നതെന്നും അലോഷ്യസ് റി പറഞ്ഞു. സര്ക്കാരിലും യുഡിഎഫിലും വിശ്വാസമുണ്ടെന്നും അദ്ദേഹം കൂട്ടിച്ചേര്ത്തു.'സര്ക്കാര് പ്ലീഡര് വിവാദവുമായി ബന്ധപ്പെട്ട എല്ലാ ആശങ്കകളും മുഖ്യമന്ത്രിയെ നേരിട്ട് കണ്ട് അറിയിച്ചു. ഒരിക്കല് കെഎസ്യു ആയാല് ജീവിതാവസാനം വരെയും അവര് കെഎസ്യു ആണ്. അതുള്ക്കൊണ്ട് ബാക്കി തീരുമാനങ്ങളെല്ലാം എടുക്കേണ്ടത് സര്ക്കാരാണ്. ഈ വിഷയത്തിന്റെ മെറിറ്റിനെ പറ്റിയല്ല സമൂഹമാധ്യമങ്ങളില് ചര്ച്ച വന്നത്. ഇത് ഞങ്ങളുടെ കൂടി സര്ക്കാരാണ്. സര്ക്കാരിനെ മോശമാക്കുന്ന തരത്തിലെ വിമര്ശനങ്ങളാണ് ഉയര്ന്നുവന്നത്.സംസ്ഥാന ജനറൽ സെക്രട്ടറിമാരായ ആദേശ് സുധർമൻ, അരുൺ രാജേന്ദ്രൻ, യദുകൃഷ്ണൻ എന്നിവരും തിരുവനന്തപുരം ജില്ലാ അധ്യക്ഷൻ ഗോപു നെയ്യാറും അലോഷ്യസിനൊപ്പം കൂടിക്കാഴ്ചയിൽ പങ്കെടുത്തു.
അതേ സമയം കെ എസ് യു പ്രസിഡന്റിനെ കണ്ടെങ്കിലും തീരുമാനം പിന്വലിക്കണമെന്ന ആവശ്യം മുഖ്യമന്ത്രി തള്ളിയതായാണ് ഒടുവിൽ പുറത്തുവരുന്ന റിപ്പോർട്ട്
