തിരുവനന്തപുരം: ഓണക്കാലത്ത് ബംഗളൂരു മലയാളികള്ക്ക് നാട്ടിലെത്താന് സഹായകരമായേക്കാവുന്ന ഇടപെടലുമായി റെയിൽവേ. ബംഗളൂരു - എറണാകുളം പതിനാറ് കോച്ചുകളുള്ള വന്ദേഭാരത് സര്വീസ് മറ്റന്നാള് മുതല്. കേന്ദ്രമന്ത്രി സുരേഷ് ഗോപിയുടെ ഇടപെടലിനെ തുടര്ന്നാണ് തീരുമാനം.
നിലവില് വെറും 8 കോച്ചുകളുമായി സര്വീസ് നടത്തുന്ന ട്രെയിന് പിന്വലിച്ചാണ് റെയില്വേ യാത്രക്കാര്ക്കായി പുതിയ വലിയ ട്രെയിന് അനുവദിച്ചിരിക്കുന്നത്.രാവിലെ 5.50ന് ബംഗളൂരുവില് നിന്ന് യാത്ര തുടങ്ങുന്ന വന്ദേഭാരത് 1.50ന് എറണാകുളം സൗത്തില് എത്തും. എറണാകുളത്ത് നിന്ന് ഉച്ചക്ക് 2.20ന് എടുക്കുന്ന ട്രെയിന് രാത്രി 11ന് ബംഗളൂരിലെത്തും.
