വാഹനങ്ങളിലെ മോഡിഫിക്കേഷനുമായി ബന്ധപ്പെട്ട് കര്ശന നടപടിക്ക് നിര്ദ്ദേശിച്ച് ഹൈക്കോടതി. ഒന്നിലേറെ നിയമലംഘനങ്ങള് ഉണ്ടെങ്കില് ഓരോന്നിനും 5000 രൂപ പിഴ ഈടാക്കണം. അതിതീവ്ര വെളിച്ചമുള്ള എല്ഇഡി ലൈറ്റുകള്, കളര് ലൈറ്റുകള് എന്നിവ അനുവദനീയമല്ല. ഇത്തരം ലൈറ്റുകള് കാല്നടക്കാരെയും മറ്റു വാഹനങ്ങളെയും അപകടത്തില് ആക്കുമെന്ന് കോടതി വിലയിരുത്തി. ശബ്ദവും തീയും ഉണ്ടാകുന്ന പുകക്കുഴലുകള് അപകട സാധ്യത സൃഷ്ടിക്കുന്നതാണ്. ഇത് കര്ശനമായി നിയന്ത്രിക്കണമെന്ന് കോടതി ആവശ്യപ്പെട്ടു. റോഡ് സുരക്ഷയ്ക്ക് ഭീഷണിയാകുന്ന എല്ലാ മോഡിഫിക്കേഷനിലും പൊലീസും എംവിഡിയും കര്ശന നടപടി എടുക്കണമെന്ന് ഹൈക്കോടതി നിര്ദേശിച്ചു.
