ഉപരാഷ്ട്രപതിയുടെ സന്ദര്ശനത്തിന്റെ ഭാഗമായി കൊച്ചിയില് രാവിലെ മുതല് ഗതാഗത നിയന്ത്രണം. രാവിലെ 10 മുതല് അങ്കമാലിയില് നിന്ന് ആലുവയിലേക്ക് ഭാരവാഹനങ്ങള്ക്ക് നിയന്ത്രണം ഉണ്ടായിരിക്കുന്നതാണ്. ഇത്തരം വാഹനങ്ങള് കാലടി പെരുമ്പാവൂര് പുത്തന്കുരിശ് വഴി എറണാകുളത്തേക്ക് പോകേണ്ടതാണ്. 12:40 മുതല് 2 മണി വരെ അങ്കമാലിയില് നിന്ന് ആലുവ ഭാഗത്തേക്ക് വാഹനങ്ങള് കടത്തിവിടില്ല. എയര്പോര്ട്ടില് നിന്ന് വരുന്ന വാഹനങ്ങള് 1:25 മുതല് 2 മണി വരെ മറ്റൂര് നായത്തോട് വഴി പോകേണ്ടതാണ്. 1:20 മുതല് 2 മണി വരെ അത്താണിയില് നിന്ന് ആലുവ ഭാഗത്തേക്ക് ഒരു വാഹനവും കടത്തി വിടില്ല. പറമ്പയം,ദേശം, പറവൂര് കവല, തോട്ടക്കാട്ടുകര,അത്താണി തുടങ്ങിയ പ്രദേശങ്ങളില് നിന്നുള്ള വാഹനങ്ങള്ക്ക് 1:30 മുതല് 2 വരെ മെയിന് റോഡിലേക്ക് പ്രവേശനമില്ല. ബൈപ്പാസ് ജംഗ്ഷന് പുളിഞ്ചോട് ജംഗ്ഷന് തുടങ്ങിയ സ്ഥലങ്ങളില് നിന്ന് മെയിന് റോഡിലേക്ക് 1:35 മുതല് 2 മണി വരെ ഒരു വാഹനവും കടത്തി വിടില്ല. സിറ്റിയില് നിന്ന് വരുന്ന ഭാരവാഹനങ്ങള് രാവിലെ 10 മുതല് കണ്ടെയ്നര് റോഡ് ചേരാനല്ലൂര് വരാപ്പുഴ വഴി പോകേണ്ടതാണ്. വൈകുന്നേരം 4:15 മുതല് 6 വരെ സിറ്റിയില് നിന്ന് വരുന്ന ഒരു വാഹനവും മെയിന് റോഡ് വഴി കടത്തിവിടില്ല.
