കൊച്ചി: കലൂർ മാർക്കറ്റിന് സമീപം ലഹരി മാഫിയ സംഘം കൂട്ടം കൂടുന്നതായി വിവരം ലഭിച്ചതിനെ തുടർന്ന് പരിശോധനയ്‌ക്കെത്തിയ പൊലീസുകാരന് നേരെ ആക്രമണം. സ്പെഷ്യൽ ബ്രാഞ്ച് എസ്ഐ മധുവിനാണ് പരുക്കേറ്റത്. ആക്രമണം നടത്തിയ പാലാരിവട്ടം സ്വദേശിയെ പൊലീസ് കസ്റ്റഡിയിൽ എടുത്തു. ആളൊഴിഞ്ഞ സ്ഥലത്ത് പ്രായപൂർത്തിയാകാത്ത പെൺകുട്ടിയുമൊത്ത് കണ്ടത് ചോദ്യം ചെയ്തതിനാണ് ആക്രമിച്ചത്.
തലയ്ക്ക് പരുക്കേറ്റ സ്പെഷ്യൽ ബ്രാഞ്ച് ഉദ്യോഗസ്ഥൻ ആശുപത്രിയിൽ ചികിത്സയിൽ കഴിയുകയാണ്.എസ്ഐയുടെ കൈക്കും ഗുരുതരമായി പരുക്കേറ്റിട്ടുണ്ട്. കസ്റ്റഡിയിലെടുത്തയാൾ ലഹരിസംഘവുമായി പ്രവർത്തിക്കുന്നവരുടെ കൂട്ടത്തിലുള്ള ആളെന്നാണ് പൊലീസ് നിഗമനം. സംഭവത്തിൽ വിശദമായി അന്വേഷണം ഉണ്ടാകും.
