കോഴിക്കോട്: വടകരയിൽ രണ്ടു വയസ്സുകാരിയെ പുഴയിൽ മരിച്ച നിലയിൽ കണ്ടെത്തി. കുറുക്കോത്ത് കെസി വീട്ടിൽ ഷമീറിന്റെ മകൾ ഹവാ ഫാത്തിമയാണ് മരിച്ചത്. മുറ്റത്ത് കളിച്ചുകൊണ്ടിരിക്കെ കുട്ടിയെ കാണാതാവുകയായിരുന്നു. ബന്ധുക്കളുടെ വീട്ടിൽ ഉണ്ടാകുമെന്ന ധാരണയിൽ അന്വേഷിച്ചെങ്കിലും കണ്ടെത്താൻ കഴിഞ്ഞില്ല. തുടർന്ന് നടത്തിയ പരിശോധനയിലാണ് പുഴയിൽ കുട്ടിയെ മരിച്ചനിലയിൽ കണ്ടെത്തിയത്.
വീട്ടിൽ നിന്ന് 50 മീറ്റർ മാത്രം ദൂരമുള്ള പുഴയിലാണ് കുട്ടിയെ മരിച്ചനിലയിൽ കണ്ടെത്തിയത്.പ്രവാസിയായ പിതാവ് നാളെ തിരിച്ചുപോകാനിരിക്കെയാണ് ദാരുണമായ സംഭവം. സംഭവത്തിൽ പോലിസ് അന്വേഷണം ആരംഭിച്ചു.
