തിരുവനന്തപുരം: വിഴിഞ്ഞത്ത് ബസില് നിന്നും ജനലിലൂടെ കൈ പുറത്തേക്കിട്ട യാത്രികന് ദാരുണാന്ത്യം. വിഴിഞ്ഞം പുളിങ്കുടി സ്വദേശി ബെഞ്ചിലാസ് (55) ആണ് മരിച്ചത്. വൈദ്യുതി പോസ്റ്റിലിടിച്ച് യാത്രികന്റെ കൈ അറ്റുപോവുകയായിരുന്നു. രക്തം വാർന്നാണ് മരണം. മറ്റൊരു വാഹനത്തിന് സൈഡ് കൊടുക്കുന്നതിനായി ബസ് ഒതുക്കിയപ്പോഴാണ് അപകടമുണ്ടായത്. വൈകീട്ട് നാലരയോടെയാണ് അപകടം. വിഴിഞ്ഞത്തു നിന്ന് പൂവ്വാറിലേക്ക് പോകുകയായിരുന്നു ബസ്.
