കോഴിക്കോട്: പാലക്കാട് സ്വദേശിയായ യുവ ദന്ത ഡോക്ടറെ കോഴിക്കോട് പൊലീസ് അറസ്റ്റ് ചെയ്തു. കോഴിക്കോട് കൊടുവള്ളി ഓമശ്ശേരിയുള്ള ഫ്ലാറ്റിൽ നിന്നാണ് പാലക്കാട്, കരിമ്പ, കളിയോട് കണ്ണൻകുളങ്ങര സ്വദേശി വിഷ്ണുരാജ് (29) അറസ്റ്റിലായത്. ഇയാളുടെ പക്കൽ നിന്നും മാരക ലഹരി മരുന്നായ 15 ഗ്രാം എംഡിഎംഎ കണ്ടെത്തി . കൊടുവള്ളി പൊലീസും കോഴിക്കോട് റൂറൽ എസ്പിയുടെ സ്ക്വാഡും ചേർന്നാണ് പരിശോധന നടത്തിയത്. ഡോക്ടറായ വിഷ്ണുരാജ് ലഹരി മരുന്ന് സംഘത്തിലെ പ്രധാന കണ്ണിയാണെന്ന് പൊലീസ് അറിയിച്ചു.
