തൃശൂർ: ഫോഗ് ലാമ്പുകളുടെ അനാവശ്യ ഉപയോഗം തടയുന്നതിനും തീവ്രത കൂടിയ ഹെഡ് ലൈറ്റ്, ഫോഗ് ലാമ്പ്, കളർ ബൾബുകൾ എന്നിവയുടെ ഉപയോഗം തടയുന്നതിനും തൃശ്ശൂർ ആർടിഒ എൻഫോഴ്മെൻ്റ് എംവിഐ പി വി ബിജുവിൻ്റെ നേതൃത്വത്തിൽ തൃശ്ശൂർ നഗരത്തിൽ നടത്തിയ രാത്രികാല പരിശോധനയിൽ ടിപ്പർ - 2, ടൂറിസ്റ്റ് ബസ് - 4,കാർ - 15, ഓട്ടോറിക്ഷ - 10, ബൈക്ക് -12 എണ്ണം എന്നിവ അടക്കം 73 കേസുകളിൽ നിന്നായി 3.28 ലക്ഷം രൂപ പിഴ ഈടാക്കി.
പരിശോധനയിൽ അസിസ്റ്റൻറ് മോട്ടോർ വെഹിക്കിൾസ് ഇൻസ്പെക്ടർമാരായ സുജിത്ത് R , അമൽ C S എന്നിവരും പങ്കെടുത്തു.രാത്രി ഡ്രൈവിങ്ങിൽ ഹെഡ് ലൈറ്റ് ഹൈ ബീം ഉപയോഗിക്കുന്നതും ഫോഗ്ഗില്ലാത്ത ഇടങ്ങളിൽ ഫോഗ് ലാമ്പ് ഉപയോഗിക്കുന്നതും മറ്റു വാഹന ഡ്രൈവർമാർക്ക് കാഴ്ച തടസ്സപ്പെടുത്തുമെന്നും അപകടങ്ങൾ ഉണ്ടാകാൻ കാരണമാകുമെന്നും ഇക്കാര്യത്തിൽ വാഹന ഉടമകളും ഡ്രൈവർമാരും ശ്രദ്ധ കാണിക്കണമെന്നും എംവിഐ പറഞ്ഞു.
