അയോധ്യ ക്ഷേത്ര ഫണ്ട് ക്രമക്കേടുമായി ബന്ധപ്പെട്ട പ്രത്യേക അന്വേഷണ സംഘത്തിന്റെ റിപ്പോര്ട്ട് തിങ്കളാഴ്ച സര്ക്കാരിന് സമര്പ്പിച്ചേക്കുമെന്ന് സൂചന. ട്രസ്റ്റിന്റെ സാമ്പത്തിക ഇടപാടുകള് ഇതിനകം തന്നെ അന്വേഷണസംഘം പരിശോധിച്ചിട്ടുണ്ട്. ഈ റിപ്പോര്ട്ട് വിശകലനം ചെയ്ത ശേഷമായിരിക്കും എന്ഫോഴ്സ്മെന്റ് ഡയറക്ടറേറ്റിന്റെ അന്വേഷണം ആവശ്യമാണോ എന്ന് തീരുമാനിക്കുക.
കൂടാതെ, ചമ്പത് റായിക്കെതിരെ കേസെടുക്കുന്ന കാര്യത്തിലും ഈ അന്വേഷണ റിപ്പോര്ട്ട് നിര്ണ്ണായകമാകും. ഈ മാസം 15 വരെയാണ് എസ്ഐടിക്ക് റിപ്പോര്ട്ട് സമര്പ്പിക്കാന് അനുവദിച്ചിരിക്കുന്ന സമയം. സംസ്ഥാന സര്ക്കാരും അന്വേഷണ സംഘവും നിലവിലെ എട്ട് പ്രതികളില് നിന്ന് കൂടുതല് പ്രതികളിലേക്ക് അന്വേഷണം വ്യാപിപ്പിക്കുന്നില്ലെന്ന് വിമര്ശനം ഉയര്ന്നിരുന്നു. തിങ്കളാഴ്ച കേസ് പരിഗണിക്കാമെന്ന് സുപ്രീംകോടതിയും അറിയിച്ചിട്ടുണ്ട്.
