കേന്ദ്ര സർക്കാരിന്റെ പിഎം ശ്രീ (PM SHRI) പദ്ധതി നടപ്പിലാക്കുന്നതുമായി ബന്ധപ്പെട്ട് പെട്ടെന്ന് ഒരു തീരുമാനമെടുക്കാൻ സാധിക്കില്ലെന്ന് വിദ്യാഭ്യാസ മന്ത്രി എൻ. ഷംസുദ്ദീൻ വ്യക്തമാക്കി. നിലവിലെ സർക്കാർ കഴിഞ്ഞ സർക്കാരിന്റെ തുടർച്ചയാണെന്നും, കഴിഞ്ഞ സർക്കാർ പദ്ധതിയുമായി ബന്ധപ്പെട്ട് ഒപ്പിട്ട് ഇതിനോടകം പണം കൈപ്പറ്റിയിട്ടുണ്ടെന്നും അദ്ദേഹം പറഞ്ഞു.
ഈ വിഷയത്തിൽ അടിയന്തിരമായി ഒരു തീരുമാനമെടുക്കേണ്ട സാഹചര്യം നിലവിലില്ലെന്നാണ് മന്ത്രി വ്യക്തമാക്കുന്നത്. സാമ്പത്തിക കാര്യങ്ങൾ ഉൾപ്പെടെയുള്ള വിവിധ റിപ്പോർട്ടുകൾ വിശദമായി പരിശോധിച്ചതിന് ശേഷം മാത്രമേ അന്തിമ തീരുമാനത്തിലേക്ക് കടക്കൂ. ഫണ്ടുകൾ അനുവദിക്കുന്ന കാര്യത്തിൽ സംസ്ഥാനങ്ങൾക്ക് മേൽ കേന്ദ്ര സർക്കാർ കടുത്ത ഉപാധികൾ വെക്കാൻ പാടില്ലെന്നും അദ്ദേഹം കൂട്ടിച്ചേർത്തു.
