സംസ്ഥാനത്തെ വിവിധ സർക്കാർ മെഡിക്കൽ കോളേജുകളിലെ പ്രധാന തസ്തികകളിലേക്ക് പുതിയ നിയമനങ്ങൾ നടത്തി സർക്കാർ ഉത്തരവിറക്കി. സൂപ്രണ്ട്, അഡീഷണൽ സൂപ്രണ്ട്, ഡെപ്യൂട്ടി സൂപ്രണ്ട്, റെസിഡന്റ് മെഡിക്കൽ ഓഫീസർ തസ്തികകളിലാണ് പുതിയ നിയമനങ്ങൾ നടത്തിയത്.
തിരുവനന്തപുരം മെഡിക്കൽ കോളേജ്: നിലവിലെ സൂപ്രണ്ട് ഡോ. ജയചന്ദ്രൻ പദവിയിൽ തുടരും.
എറണാകുളം മെഡിക്കൽ കോളേജ്: പുതിയ സൂപ്രണ്ടായി ഡോ. അനൂപ് ജോസഫിനെ നിയമിച്ചു.
തൃശൂർ മെഡിക്കൽ കോളേജ്: ഡോ. ലിജോ കൊല്ലന്നൂർ ആണ് പുതിയ സൂപ്രണ്ട്.
കോട്ടയം മെഡിക്കൽ കോളേജ്: ഡോ. ടി. ജി. തോമസ് പുതിയ സൂപ്രണ്ടായി ചുമതലയേൽക്കും.
ഇടുക്കി മെഡിക്കൽ കോളേജ്: ഡോ. ഹരീഷ് ചന്ദ്രനെ സൂപ്രണ്ടായി നിയമിച്ചു.
ആലപ്പുഴ മെഡിക്കൽ കോളേജ്: ഡോ. ലക്ഷ്മിയാണ് പുതിയ സൂപ്രണ്ട്.
സൂപ്രണ്ട് തസ്തികകൾക്ക് പുറമെ വിവിധ മെഡിക്കൽ കോളേജുകളിലെ ഡെപ്യൂട്ടി സൂപ്രണ്ട്, റെസിഡന്റ് മെഡിക്കൽ ഓഫീസർ തസ്തികകളിലും പുതിയ നിയമനങ്ങൾ നടന്നിട്ടുണ്ട്.
