Share this Article
News Malayalam 24x7
'ഇറാനെ ഒറ്റ രാത്രികൊണ്ട് ഇല്ലാതാക്കും';,മുന്നറിയിപ്പുമായി ട്രംപ്
Donald Trump

ഹോർമുസ് കടലിടുക്ക് പൂർണ്ണമായും തുറന്നു നൽകിയില്ലെങ്കിൽ ഇറാന്റെ മേൽ കടുത്ത നടപടികൾ ഉണ്ടാകുമെന്ന് അമേരിക്കൻ പ്രസിഡന്റ് ഡോണാൾഡ് ട്രംപ്. ഇറാനെ ഒറ്റരാത്രികൊണ്ട് ഇല്ലാതാക്കുമെന്നും ആ രാത്രി ഇന്നുതന്നെ ആയേക്കാമെന്നും ട്രംപ് മുന്നറിയിപ്പ് നൽകി. ഇറാൻ നൽകിയ സമയത്തിന് നാലുമണിക്കൂറിന് ശേഷമായിരിക്കും ആക്രമണങ്ങൾ ആരംഭിക്കുക.

ഇറാന്റെ വൈദ്യുതി നിലയങ്ങൾ, പാലങ്ങൾ, ഊർജ്ജ നിലയങ്ങൾ തുടങ്ങിയവയെല്ലാം ആക്രമിക്കുമെന്നും എല്ലാ ഊർജ്ജ നിലയങ്ങളും പ്രവർത്തനരഹിതമാക്കുമെന്നും ട്രംപ് അറിയിച്ചു. താൽക്കാലികമായി വെടി നിർത്താനുള്ള അമേരിക്കയുടെ നിർദ്ദേശങ്ങൾ തിങ്കളാഴ്ച വൈകിട്ടോടെ ഇറാൻ തള്ളിയിരുന്നു. ഇതിന് പിന്നാലെ നടത്തിയ വാർത്താ സമ്മേളനത്തിലാണ് ട്രംപ് ഇത്തരമൊരു പ്രതികരണം നടത്തിയത്.


ലോകത്തിലെ തന്നെ ഏറ്റവും പ്രധാനപ്പെട്ട എണ്ണക്കടത്തു പാതകളിൽ ഒന്നായ ഹോർമുസ് കടലിടുക്ക് കേന്ദ്രീകരിച്ചുള്ള തർക്കം ഇതോടെ പുതിയ തലങ്ങളിലേക്ക് കടന്നിരിക്കുകയാണ്. അമേരിക്കയുടെ ഭീഷണിയോട് ഇറാൻ എത്തരത്തിൽ പ്രതികരിക്കുമെന്നത് ലോകം ഉറ്റുനോക്കുകയാണ്

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ കൈക്കുമ്പിളിൽ
Share this Article
Related Stories