കുന്നംകുളം പെരുമ്പിലാവിൽ ബൈക്കും കാറുകളും കൂട്ടിയിടിച്ച് ബൈക്ക് യാത്രികന് ഗുരുതര പരിക്ക്. പാലക്കാട് പന്നിശ്ശേരി സ്വദേശി 72 വയസ്സുള്ള ബാലനാണ് പരിക്കേറ്റത്..
പെരുമ്പിലാവ് സിഗ്നലിൽ നിർത്തിയ ബൈക്കിനും കാറിനും പുറകിൽ മറ്റൊരു കാർ ഇടിക്കുകയായിരുനു. അപകത്തില്‍ ഗുരുതരമായി പരിക്കേറ്റ ബൈക്ക് യാത്രികനെ പെരുമ്പിലാവിലെ സ്വകാര്യ കെട്ടിടത്തിൽ പരിശോധന കഴിഞ്ഞ് മടങ്ങി വരികയായിരുന്ന കുന്നംകുളം അഗ്നി രക്ഷാസേനയുടെ നേതൃത്വത്തിൽ കുന്നംകുളം താലൂക്ക് ആശുപത്രിയിൽ പ്രവേശിപ്പിച്ചു.
ഇടിയുടെ ആഘാതത്തില്‍ ബൈക്ക് യാത്രികന് കാലിനും തലക്കും നെഞ്ചിലും പരിക്കേറ്റിട്ടുണ്ട്. അപകടത്തിൽ ഇരുകാറുകൾക്കും ബൈക്കിനും കേടുപാടുകൾ സംഭവിച്ചു. അപകടത്തെ തുടർന്ന് മേഖലയിൽ ഭാഗികമായി ഗതാഗതം തടസ്സപ്പെട്ടു. കുന്നംകുളം പോലീസ് മേൽ നടപടികൾ സ്വീകരിച്ചു.
