ഇറാനിലെ മിനാ പ്രവിശ്യയിൽ പെൺകുട്ടികളുടെ പ്രൈമറി സ്കൂളിന് നേരെ ഇസ്രയേൽ നടത്തിയ മിസൈലാക്രമണത്തിൽ മരണം 148 ആയി ഉയർന്നു. കഴിഞ്ഞ ദിവസമാണ് നാടിനെ നടുക്കിയ ഈ ദാരുണ സംഭവം നടന്നത്. ആക്രമണം നടന്നയുടനെ അഞ്ച് പെൺകുട്ടികൾ കൊല്ലപ്പെടുകയും അറുപതോളം പേർക്ക് പരിക്കേൽക്കുകയും ചെയ്തിരുന്നു. എന്നാൽ ആശുപത്രിയിൽ ചികിത്സയിലായിരുന്ന പലരുടെയും നില ഗുരുതരമായതിനെത്തുടർന്ന് മരണസംഖ്യ കുതിച്ചുയരുകയായിരുന്നു.
ഒന്നും അറിയാത്ത പിഞ്ചുകുട്ടികൾ പഠിച്ചുകൊണ്ടിരുന്ന വിദ്യാലയത്തിന് നേരെ നടന്ന ഈ ക്രൂരതയിൽ ലോകമനസാക്ഷി ഞെട്ടിയിരിക്കുകയാണ്. ആക്രമണത്തിൽ സ്കൂൾ കെട്ടിടം പൂർണ്ണമായും തകർന്നു. ഈ ഹീനമായ പ്രവർത്തിക്ക് ശക്തമായി തിരിച്ചടിക്കുമെന്ന് ഇറാൻ ഭരണകൂടം വ്യക്തമാക്കി. മേഖലയിൽ സംഘർഷം കടുക്കുന്ന സാഹചര്യത്തിൽ മരണസംഖ്യ ഇനിയും ഉയരാൻ സാധ്യതയുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.
