കൊളംബിയയിൽ വിമാനം തകർന്ന് 15 പേർ മരിച്ചു. കൊളംബിയയിലെ നോർട്ടെ ഡി സാന്റാൻഡർ പ്രവിശ്യയിലെ കുകുട്ടയിലാണ് അപകടമുണ്ടായത്. അപകടത്തിൽ വിമാനത്തിലുണ്ടായിരുന്ന 13 യാത്രക്കാരും 2 ജീവനക്കാരുമാണ് മരിച്ചത്. മരിച്ചവരിൽ കൊളംബിയയിലെ ഒരു നിയമസഭാംഗവും ഉൾപ്പെടുന്നു. സറ്റേന വിമാനക്കമ്പനിയുടെ ചെറു യാത്രാ വിമാനമാണ് അപകടത്തിൽപ്പെട്ടത്. കാമിലോ ദാസ വിമാനത്താവളത്തിൽ നിന്ന് പറന്നുയർന്ന വിമാനം മിനിറ്റുകൾക്കുള്ളിൽ തകർന്നുവീഴുകയായിരുന്നു. പര്‍വതപ്രദേശം നിറഞ്ഞ മേഖലയിലെ മോശം കാലാവസ്ഥയാണ് അപകട കാരണമെന്ന് പ്രാഥമിക നിഗമനം.
